Klondike

Jonathan Blandford-ek idatzia

Konfigurazioa

Karta-sorta motaKarta-sorta estandarra
Sorta Goi-ezkerreko pila. Kartak Mahaian banatu ondoren geratzen direnak hemen jarriko dira. Kartak banan-banan irauliko dira Hondarrera. Bi aldiz banatuko da.
Hondarra Sortatik hartu behar da. Goiko karta jokoan erabiltzeko prest dago.
Oinarriak Lau pila, goi-eskuinean. Irudiaren arabera eta gorantz osatu behar dira Batekotik Erregera. Oinarri bakoitzaren gaineko lehenengo karta Mahaira eraman daiteke atzera.
Mahaia Zazpi pila. Lehenengo pilan, karta bat gora begira. Gainerako pilatan, ipini karta bana behera begira. Bigarren pilan, ipini karta bat gora begira, eta hurrengoetan denak behera begira. Horrela jarraitu azken pilan zazpi karta jarri arte. Mahaia beherantz osa daiteke koloreak txandakatuz. Karta-multzoak mugi daitezke. Pila hutsak Errege batez edo Erregez hasitako karta-multzo batez bete daitezke.

Xedea

Karta guztiak Oinarri piletara eramatea.

Arauak

Mahaiko kartak beherantz osatu behar dira, kolorea txandakatuz. Karta-multzoak mugi daitezke. Mahaiko pila hutsak Errege batez edo Erregea buru duen karta-multzo batez bete daitezke.

Kartak banan-banan iraultzen dira Sortatik Hondarrera. Hondarreko goiko karta jokorako prest dago. Sorta hustutakoan, eraman atzera Hondarreko karta guztiak Sortara, duten ordena errespetatuta. Karta-sortara hirutan itzul zaitezke.

Oinarriak gorantz osatu behar dira, irudiaren arabera eta Batekotik Erregera. Oinarri piletako kartak atzera erabil daitezke. Karta batean bi aldiz klik eginez gero dagokion Oinarri pilara mugituko da, mugimendu hori posible baldin bada.

Aukerak

Hiru kartako banaketak: Aukeratzen baduzu, Sortak hiru banatuko ditu aldi bakoitzean. Bestela, Sortak karta bakarra banatuko du Hondarrera.

Puntuak

Oinarri pilako karta bakoitzeko, puntu bat.

Gehienezko puntuazioa: 52

Estrategia

Ez eman amore! Jokoa amaitu dela iruditu arren, saiatu metodo bortitzak. Oinarrietan dauden kartak erabiliz eta segidak berrantolatuz, baliteke behar dituzun kartak askatu ahal izatea.